++++

【明報專訊】唔知大家係咪同Emily一樣，手機不時收到廣告短訊，有時都幾騷擾，有口的短訊仲會要求你回覆，但就收你錢，相信唔少人都中過招。最近民建聯 副主席劉江華 就向政府提出一條關於濫發短訊嘅書面問題，佢話有人試過因為不時收到廣告短訊，被電話公司收成千幾元，仲自爆話自己收過情書 。

即場展示短訊情書

劉江華話，佢自己都收過呢類滋擾短訊，仲即場拎個電話出嚟畀Emily睇，個短訊寫住「你有一封未揭開嘅情書」，然後要求你回覆，對方就會再發多幾個短訊嚟，但每收一個就要2蚊。

好奇回覆 每日收2個

劉江華話佢收到個短訊覺得好好奇，究竟邊個寫情書畀佢、向佢求愛，所以就回覆咗，但係呢口的短訊就會沒完沒了咁寄畀佢，每日至少收到2個。

劉江華無講到短訊嘅內容係咩，但最終佢覺得太煩，於是就覆對方，要求以後都唔好再傳呢類短訊畀佢。佢話現時仲未收到帳單，唔知會畀人收幾多錢。Emily好奇怪點解劉江華會上當，唔通佢以為係粉絲寫情書畀佢？

++++

既然如此，相信如曾蔭權收到這個短訊，一定也會乖乖付款吧?